ՍՈՎՈՐԵԼ. ԳՈՐԾԵԼ. ՀԱՄԱՍՏԵՂԾԵԼ
Արտահերթ նախագահական ընտրությունները և դրանց ազդեցությունը Իրանի արտաքին և տարածաշրջանային քաղաքականության վրա
Իրանի Իսլամական Հանրապետության նախագահ Էբրահիմ Ռաիսիի և մյուս բարձրաստիճան պաշտոնյաների ողբերգական մահը Իրանի հյուսիս-արևմուտքում՝ ավիավթարի արդյունքում, տեղի ունեցավ տարածաշրջանում առանց այն էլ աննախադեպ լարվածության պայմաններում։ 2024թ հունիսի 28-ին Իրանում նշանակված նախագահական արտահերթ ընտրությունները իրենց բնույթով և կարևորությամբ յուրահատուկ են։ Սույն հոդվածի շրջանում փորձել ենք, հասկանալ Իրանում ներկայիս նախագահական ընտրությունների առանձնահատկությունները, գնահատել, թե դրանք ինչպիսի ազդեցություն կունենան վերջինիս տարածաշրջանային քաղաքականության վրա։ Եկել ենք այն եզրակացությանը, որ ցանկացած թեկնածուի հաղթանակի պարագայում տարածաշրջանում Իրանի քաղաքականության շրջադարձային փոփոխություններ պետք չէ ակնկալել։ Միաժամանակ, ընտրությունների արդյունքում պահպանողական ուժերի դիրքերի ամրապնդումը կարող է ավելի կտրուկ դարձնել Իրանի արձագանքը տարածաշրջանում տեղի ունեցող զարգացումների նկատմամբ՝ սահմանափակելով տարածաշրջանի երկրների կողմից տարբեր աշխարհաքաղաքական ուժերի միջև խուսանավելու հնարավորությունները:
