ՍԵՄԻՆԱՐՆԵՐ ՏԵԽՆՈԼՈԳԻԱՅԻ ԵՎ ՍՏԵՂԾԱՐԱՐՈՒԹՅԱՆ ՄԱՍԻՆ
Պրակտիկ ինժեներիան և տեխնոլոգիան` ձեր մտքի ուժով
"Մարդիկ յուրացնում են գիտելիքը գործի միջոցով: Դա տեղի է ունենում հատկապես այնպիսի համատեքստում, ուր սովորողը գիտակցաբար համընդհանուր արժեք է ստեղծում` ավազե ամրոցից մինչև տիեզերքի տեսություն:"
Սեյմուր Պապերտ
Մասաչուսեթսի տեխնոլոգիայի ինստիտուտի պրոֆեսոր, Երևանի պետական համալսարանի պատվավոր դոկտոր
Երբևէ ցանկացել եք համակարգիչը մասերի բաժանել, հասկանալ, թե ինչպես է այն աշխատում, կրկին մասերը հավաքել և ստեղծել սեփականը:
"Լույսը", ՅՈՒՆԻՍԵՖ-ը և "Թումո"-ն ապահովում ենք նյութատեխնիկական բազայով հագեցած միջավայր և հրավիրում համակարգչագիտության հմուտ մասնագետների, ովքեր երիտասարդներին սովորեցնում են ինժեներիա և տեխնոլոգիական վարպետություն: Նպատակն է հաճելի դարձնել ինժեներիայի և տեխնոլոգիայի հետ շփման գործընթացը` կիրառելով "Միջավայրային կրթություն" կամ, այլ կերպ ասած, "Գործով ենք սովորում" մեթոդը:
Երբ ուսանողներն ստեղծում են աշխատող էլեկտրոնային սարքեր, նրանք սեմինարներին սովորածը անմիջապես կապում են առօրյայում գործածվող առարկաներին:
Այսօր մարդիկ շրջապատված են բարձր տեխնոլոգիաներով` բջջային հեռախոսներ, անլար սարքեր, վիդեո խաղեր և այլն: Սակայն քչերին է բախտ վիճակվում տեսնել, թե ինչպես են իրականում աշխատում այս սարքերը:
Մասնակիցները հնարավորություն ունեն քանդելու համակարգիչները և կառուցելու սեփականը: Նրանք ստեղծում են համակարգիչներ, ռոբոտներ, էլեկտրոնային խաղեր և այլ ծրագրավորվող սարքեր` ձևավորելով պրակտիկ հմտություններ, տիրապետելով համակարգչին և ստանալով ակադեմիական գիտելիք: Նաև ծանոթանում են ինժեներիայի, տեխնոլոգիայի, գիտության և արվեստի բնագավառներում առկա կրթական և մասնագիտական հնարավորություններին:
Հատուկ շնորհակալություն ՀՀ գյուղատնտեսության նախարարությանը` օգտագործված համակարգիչների նվիրատվությանb համար:
Հրավիրված մասնագետ`
Դ-Ր ԷՏԻԵՆ ԴԵԼԱԿՐՈՒԱ
Ծնունդով բելգիացի Էտիեն Դելակրուան կերպարվեստի մասնագետ է, միջուկային և տարրական մասնիկների ֆիզիկայի դոկտոր: Նրա աշխատանքները համադրում են նկարչությունը, գծագրությունը, ծրագրավորումն ու թափոն հանդիսացող թվանշային սարքերը:
"Շրջիկ արհեստանոցներ" է ստեղծել նախ Մասաչուսեթսի տեխնոլոգիայի ինստիտուտում, ապա Ուրուգվայի Հանրապետության համալսարանի Էլեկտրական ինժեներիայի ինստիտուտում:
Նա համադրում է արվեստի արտահայտչական ազատությունը տեխնոլոգիական ֆունկցիոնալությանը: Բազմաթիվ ուսանողներ ձեռք են բերում հետազոտական փորձառություն և հասնում հետազոտության ՙսոցիալականացման՚: Սոցիոլոգ Մանուել Կաստելսը սա կոչում է ՙնորարարության թելիկներ՚:
Դ-ր Դելակրուան այժմ ղեկավարում է հետազոտություննների իր լաբորատորիան Բրյուսելում (Բելգիա), ուր նաև բնակվում է: