Զարգացման հետազոտություն
Ծնվել և մեծացել եմ Վանաձորում: Հայրենի քաղաքում դպրոցն ավարտելուց հետո ընդունվել եմ Երևանի պետական համալսարան, որտեղ ստացել եմ բակալավրի և մագիստրոսի կոչումներ: Համալսարանում արժանացել եմ ամբողջական պետական կրթաթոշակի և ընտրվել եմ ԵՊՀ «Ուսանող 2011»: Ուսանողական տարիներին զուգահեռ աշխատել եմ Տարածաշրջանային հետազոտությունների կենտրոնում, որն անկախ հետազոտական կենտրոն է Հայաստանում, և ԵՊՀ «Եվրոպական ուսումնասիրությունների կենտրոնում»` որպես հետազոտող:
Մասնագիտանալով եվրոպական ուսումնասիրությունների ոլորտում՝ աշխատել եմ ՀՀ մարդու իրավունքների պաշտպանի աշխատակազմում` որպես օմբուդսմենի արտաքին կապերի խորհրդական՝ հիմնականում աշխատելով Եվրոպայի գործընկերների հետ և համակարգելով Հայաստանում մարդու իրավունքների բարելավմանն ուղղված համատեղ ծրագրեր:
Այժմ աշխատում եմ «Հայաստանի եվրոպացի բարեկամներ» կազմակերպությունում` որպես ծրագրերի ղեկավար, որոնք ուղղված են Հայաստան-ԵՄ հարաբերությունների ամրապնդմանը և Հայաստանի եվրոպական օրակարգի առաջխաղացմանը:
Մասնակցել եմ ԵՄ ինստիտուտների, Եվրոպայի խորհրդի, ԵԱՀԿ-ի և մի քանի եվրոպական համալսարանների կողմից կազմակերպված մի շարք կարճաժամկետ մասնագիտական դասընթացների արտասահմանում: 2010 թ. հաղթել եմ «Հրապարակային խոսքի ազգային մրցույթում» և ներկայացրել եմ Հայաստանը «Հրապարակային խոսքի միջազգային մրցույթում»՝ Լոնդոնում:
Համակարգչային գիտություն
Իրավագիտություն
Բիզնեսի կառավարում