Ճարտարապետություն
Ես ծնվել եմ Երեւանում 1989 թ.: Մանկությանս տարիներին ընտանիքս հաճախ էր տեղափոխվում`Գերմանիա, Ռուսաստան եւ վերջում` Լոս Անջելես: Մշակութային, հասարակական, կենսակերպի տարբերություններն ու բազմազանությունն էլ ձեւավորեցին, ասես, եւ ընդլայնեցին տեսահորիզոնս:
Ճարտարապետության բակալավրի աստիճան եմ ստացելԿալիֆորնիայի Բերկլի համալսարանում, որտեղ գիտական գործառնություններիս զուգահեռ ներգրավված էի արտաուսումնական բազմաթիվ նախաձեռնություններում: Որպես Հայ ուսանողական միության նախագահ` Հայոց ցեղասպանության ճանաչման շաբաթվա շրջանակներում բազմաթիվ միջոցառումներ եմ կազմակերպել, օգնել եմ ուսանողներին նախագծել եւ կառուցել Եղեռնի հիշատակը հավերժող մի հուշարձան: Իսկ որպես Բերկլիի «Global Architecture Brigade» ընկերության համահիմնադիր` աջակցեցի Սանտա Ռոզայում եւ Հոնդուրասում մանկապարտեզի կառուցմանը:
Համալսարանն ավարտելուց հետո վերադարձա Լոս Անջելես` աշխատելու եւ զարգացնելու մասնագիտական հմտություններս: Աշխատեցի նաեւ Շանհայում ու Չինաստանում գտնվող հետազոտական ճամբարներում, որից հետո ինձ հնարավորություն տրվեց վերադառնալ Շանհայ եւ երեք ամիս աշխատել հետազոտական գրասենյակում: Մասնագիտական գործունեությանը զուգահեռ մի քանի գործընկերների հետ մասնակցեցի նախագծային մրցույթների:
Աշնանն արդեն կդառնամ Հարվարդի դիզայնի բարձրագույն դպրոցի ուսանող` որպես ճարտարապետության մագիստրոսի աստիճանի թեկնածու: Ինձ հատկապես հետաքրքրում է ճարտարապետության դերը հասարակության ինքնահարստացման եւ մշակույթի պահպանման գործում:
Տնտեսագիտություն
Հայագիտություն
Ճարտարապետություն