Առաջնորդություն, քաղաքականություն և քաղաքագիտություն
Օվսաննա Խաչիկյանը ծնվել է 1988-ին Երևանում: 1991-ին նա ընտանիքի հետ տեղափոխվել է ԱՄՆ մշտական բնակության:
Միջնակարգ դպրոցը ավարտելուց հետո, 2007-ին, Օվսաննան սկսել է իր կրթությունը Գլենդելի Համայնքային Քոլեջում: Այնտեղ նա ընտրվել է ուսանողական ասոցացիայի նախագահ և սովորելուն զուգահեռ աշխատել է ուսումնական ադմինիստրատիվ ղեկավարների, պրոֆեսորադասախոսական կազմի և տեղական քաղաքային գործիչների հետ, ներկայացնելով ու պաշտպանելով ավելի քան 15,000 ուսանողների շահերը: Օվսաննան մասնակցել է քոլեջի ուսումնական ծրագրի և համայնքային բյուջեի քննարկումներին: Իր կատարած աշխատանքների համար Օվսաննան արժանացել է բազմաթիվ պարգևների, այդ թվում "Տարվա Կին" կոչման:
2009-ին Օվսաննան ընդունվել է Կալիֆորնիայի նահանգի Բերկելիի պետական համալսարանի Քաղաքական էկոնոմիկայի բաժինը, որտեղ նաև մասնագիտացել է պետական կրթությունը բարելավելու բնագավառում: 2010-ի ամռանը նա աշխատել է որպես ինտերն ԱՄՆ-ի մայրաքաղաք Վաշինգտոնում գտնվող Կալիֆորնիայի պետական համալսարանները ներկայացնող գրասենյակում, որտեղ զարգացրել է իր մասնագիտական գիտելիքները յուրացնելով օրենսդրությունը, միաժամանակ աշխատելով կրթության ոլորտում իրավաբանական հարցերով տնորենի հետ: 2011-ին Օվսաննան ավարտել է Բերկելիի համալսարանը ստանալով Բակալավրի աստիճան:
2011-ի ամռանը Օվսաննան աշխատել է Կալիֆորնիայի մայրաքաղաք Սակրամենտոյում, Կապիտալ Իմփակտ խորհրդատվական ընկերությունում, որը մասնագիտացված է նահանգային կրթական օրենսդրությամբ:
Այժմ Օվսաննան սովորում է Նյու-Յորքի Կոլումբիայի համալսարանում, որտեղ նա ուսումնասիրում է կրթական բնագավարում ղեկավարություն, օրենսդրություն, և քաղաքականություն: Ավարտելուց հետո նա կստանա Մագիստրոսի աստիճան:
Ճարտարապետության քննադատություն, կուրատորական և կոնցեպտուալ գործունեություններ
Անգլերեն
Անգլերենի ուսուցում