Ծնվել եմ 1988 թ-ին: Երևանի Խ.Դաշտենցի անվան թիվ 114 միջնակարգ դպրոցն ավարտել եմ Ոսկե մեդալով: 2004-ին ընդունվել եմ ԵՊՀ ֆիզիկայի ֆակուլտետ` “Կիրառական մաթեմատիկա և ֆիզիկա” մասնագիտությամբ:

2006 թ-ից եղել եմ ֆակուլտետի անվանական թոշակառու: 2006 թ-ին հաղթել եմ հրապարակախոսության հայաստանյան մրցույթը և ներկայացրել մեր երկիրը Լոնդոնում տեղի ունեցած հրապարակախոսության միջազգային մրցույթում:

2008 թ-ին գերազանցության դիպլոմով ավարտել եմ ԵՊՀ ֆիզիկայի ֆակուլտետը և ստացել Կիրառական մաթեմատիկայի և ֆիզիկայի բակալավրի կոչում: Միանգամից ընդունվել եմ նույն ֆակուլտետի մագիստրատուրա` մոլեկուլային ֆիզիկայի ամբիոն, որն ավարտել եմ գերազանցությամբ 2010 թ-ին` ստանալով Ֆիզիկայի մագիստրոսի աստիճան:

Մասնակցել եմ միջազգային երկու գիտաժողովի: Եղել եմ Flash Camp կազմակերպության նախաձեռնած ծրագրավորման մրցույթի հաղթող:

2010 թ-ի մարտին ընդունվել եմ Ցյուրիխի տեխնոլոգիայի ֆեդերալ ինստիտուտի (ETH) ասպիրանտուրա` Համակարգերի կենսաբանություն մասնագիտությամբ: