Ժաքլին Կարաասլանյան
"Լույս" հիմնադրամի կրթական ծրագրի տնօրեն

Ժաքլին Կարաասլանյանը ծնվել է Հայաստանում, կրթության ստացել Ֆրանսիայում եւ ապրել Միացյալ Նահանգներում:

Նա Հայաստանում գործող "Լույս" հիմնադրամի կրթական ծրագրերի տնօրենն է:

Նա համընդհանուր նախագծերի, ռազմավարության մշակման և աշխարհով մեկ մեծածավալ կրթական ծրագրերի ղեկավարման ու կառավարման լուրջ փորձ ունի: Հենց սկզբից աշխատել է Մասաչուսեթսի տեխնոլոգիայի ինստիտուտի Media Lab-ի հիմնադիր անդամների հետ` 25 տարի շարունակ լինելով "Future of Learning Group"-ի և "Media Fabrics Group"-ի հատուկ նախագծերի տնօրենը:

Ժաքլին Կարաասլանյանը առանցքային մասնակցություն է ունեցել ՄՏԻ-ի հետազոտողների թիմերի հետ նախագծերի մշակման, ավանգարդ տեխնոլոգիաների հարուստ ուսուցողական միջավայրի նախագծման և դրա լիարժեք իրականացման գործին:

Նա դոկտոր կոմպոզիտոր եւ ՄՏԻ-ի հետազոտող Գրեգորի Գարգարյանի այրին է եւ Աննա ու Մարկ Գարգարյանների մայրը:

Գայանե Ղումաշյան
Ծրագրերի ղեկավար

Գայանեն ավարտել է Երեւանի Վ. Բրյուսովի անվան լեզվաբանական ինստիտուտը: Թեեւ մասնագիտությամբ լեզվաբան է, նրա աշխատանքային փորձը մեծամասշտաբ միջազգային նախագծերի ղեկավարման ոլորտում է: Նա համակարգում է "Լույս"-ի ծրագրերը` համագործակցելով աշխատակազմի, ուսանողների, դասախոսների, արտասահմանյան կազմակերպությունների եւ տեղական ընկերությունների հետ:

Բացի մայրենի լեզվից` հայերենից, նա տիրապետում է անգլերենին, ռուսերենին եւ ֆրանսերենին: Գայանեն սիրում է նկարել, կինոնկարներ դիտել եւ արշավների մասնակցել:

Անահիտ Էվոյան
Տնօրենի օգնական և հասարակայնության հետ
կապերի պատասխանատու

Անահիտն ավարտել է Երեւանի պետական համալսարանի ժուռնալիստիկայի ֆակուլտետի մագիստրատուրան: Աշխատել է որպես լրագրող եւ խմբագիր, այժմ մամուլի պատմության եւ տեսության ամբիոնի հայցորդ է:

Անահիտը "Լույս"-ի կրթական ծրագրի տնօրենի օգնականն է եւ պատասխանատու է հաղորդակցության համար: Նա կապ է ապահովում "Լույս"-ի բոլոր ուսանողների հետ, ""Լույս"-ի նորությունների ներկապնակի" հայերեն եւ անգլերեն էջերի խմբագիրն է:
Բացի մայրենի լեզվից` հայերենից, տիրապետում է անգլերենին եւ ռուսերենին: Անահիտը տարված է երաժշտությամբ, դաշնամուր է նվագում:

Հարութ Աբրահամյան
Վեբ մենեջեր և ինֆորմացիոն համակարգի ղեկավար

Հարութը Երեւանի պետական ճարտարագիտական համալսարանի համակարգչային ծրագրավորման մագիստրոսի կոչում ունի: Նրա` ծրագրավորման հմտությունների շրջանակը շատ լայն է ու բազմազան, սիրում է հաղթահարել իր մասնագիտական ասպարեզի մարտահրավերները:

Մայրենի` հայոց լեզվից բացի, տիրապետում է անգլերենին եւ ռուսերենին: Նա երաժշտական կրթություն ունի, դաշնամուր է նվագում: Հարութը նաեւ շախմատ եւ ֆուտբոլ է խաղում:

Խաչիկ Ավետիկյան
Ծրագրերի ղեկավարի օգնական

Ես սովորում եմ Ֆրանսիական համալսարանի Կառավարման բաժնի 4-րդ կուրսում:Ցանկանում եմ շարունակել ուսումս Ամերիկյան համալսարանում:

Ֆինանսներ,Կորպորատիվ կառավարուվ,Մարդկային ռեսուրսների կառավարում.սրանք այն ոլորտներ են,որտեղ կցանկանայի աշխատել ապագայում:Իմ մայրենի լեզուն հայերերնն է,խոսում եմ նաև անգլերեն,ռուսերեն,ֆրանսերեն լեզուներով:Հետաքրքվում եմ երաժշտությամբ,պարերով,ֆուտբոլով և քաղաքականությամբ:

Ստեփան Խզրթյան
Զարգացման և գիտելիքի ցանցերի ճարտարապետ

Ստանալով իրավաբանական և քաղաքագիտական կրթություն երեք համալսարաններում` Ստեփանը իր հմտությունները զարգացրել է տարբեր աշխատանքային միջավայրերում, այդ թվում` միջազգային գործարարական իրավունքի իրավաբանական գրասենյակում, թարգմանությունների պետական կենտրոնում և անշարժ գույքի նյույորքյան գործակալությունում:

Համակարգումն ու հաղորդակցումը համարելով իր տարերքները` Լույսի Զարգացման ճարտարապետը ձգտում է հարստացնել Լույսի համաշխարհային ցանցը և այն ոգեշնչել ընդհանուր տեսլականով. ներդնել աշխարհի լավագույն կենտրոններում ստացված գիտելքները, փորձն ու հմտությունները Հայաստանի` որպես հնարավորությունների երկրի զարգացման գործում:

Իր ազատ ժամանակում Ստեփանը սիրում է մասնակցել բանավեճերի և TED ելույթներ դիտել:

Ամբողջական կենսագրականի համար` տես իր անհատական էջը: