Ծնվել եմ 1988 թ. Երևանում: Սովորել եմ Մուշեղ Իշխանի անվան N5 դպրոցում: 2005 թ. գերազանց ավարտել եմ այն և ընդունվել Ռուս–Հայկական (Սլավոնական) համալսարանի կիրառական մաթեմատիկայի և ինֆորմատիկայի ֆակուլտետ:

2009 թ. ինձ շնորհվել է բակալավրի աստիճան և տրվել գերազանցության դիպլոմ: Նույն թվականին, լինելով ֆակուլտետի լավագույն ուսանողներից մեկը, հնարավորություն եմ ստացել անվճար շարունակելու ուսումս մագիստրատուրայում:

Մեկ տարի անց հասկանալով, որ ուզում եմ խորացնել իմ գիտելիքները` դիմեցի և ընդունվեցի Շվեյցարիայի տեխնոլոգիայի ֆեդերալ ինստիտուտ: Ուսման առաջարկ ստացա նաև Քեմբրիջի համալսարանից, սակայն նախընտրեցի Ցյուրիխի համալսարանը, քանի որ այն աշխարհի լավագույն տեխնոլոգիական բուհերից մեկն է:

2011 թ. մայիսին Սլավոնական համալսարանի Կիրառական մաթեմատիկայի և ինֆորմատիկայի մագիստրոսի աստիճան ստացա: Ավարտական թեզիս թեման էր “Սահմանային կլանման մեթոդը կիսաէլիպտիկ հավասարումների համար”:

2011 թ.-ից սովորում եմ Ցյուրիխի տեխնոլոգիայի ինստիտուտի կիրառական մաթեմատիկայի ֆակուլտետում: Մասնագիտացումս Ֆինանսական ինժեներիան և ապահովագրական մաթեմատիկան է:

Ուսումն ավարտելուց հետո նախատեսում եմ վերադառնալ Հայաստան և իմ ներդրումն ունենալ Հայաստանի տնտեսության զարգացման մեջ: