ՀՀ, Երևան 0010, Բյուզանդ 3 +37455005897

ՍՈՎՈՐԵԼ. ԳՈՐԾԵԼ. ՀԱՄԱՍՏԵՂԾԵԼ

Հայկական աշխարհ

Մարդաբանություն

Ասպիրանտուրա

Հրագ Փափազյան

Ծնած եմ Պէյրութ, Լիբանան, 27 Օգոստոս 1991ին:

Փոքր տարիքէս եղած եմ շատ աշխուժ իմ արտադպրոցական զբաղումներուս մէջ: Եղած եմ սկաուտ (scout), երգչախումբի եւ պարախումբի անդամ, ինչպէս նաեւ մասնակցած եմ Շախմատի մրցոյթներու, երկու անգամ հանդիսանալով Լիբանանի Ախոյեան (2002 թուականին, 12 տարեկանէն վար դասակարգի ախոյեան, իսկ 2006 թուականին, 16 տարեկանէն վար դասակարգի ախոյեան): Մասնակցած եմ նաեւ Շախմատի Աշխարհի Տարիքային Ախոյեանութեան, 2002 թուականին Յունաստանի մէջ, ինչպէս նաեւ Շախմատի Արաբական Աշխարհի Տարիքային Ախոյանութեան, 2006 թուականին Տուպայի մէջ: Եղած եմ նաեւ շատ աշխուժ՝ թատրոնի մարզէն ներս, մասնակցելով բազմաթիւ թատերախաղերու եւ յաճախ կատարելով գլխաւոր դերեր: 2011ին մեկնած եմ Փարիզ ուր հետեւած եմ մնջախաղի (mime) խտացուած արհեստավարժ դասընթացքի մը, Theatre du Mouvement հաստատութեան հետ:

2010 Յունիսին աւարտած եմ երկրորդական բարձրագոյն ուսումս Համազգայինի Մելանքթոն եւ Հայկ Արսլանեան Ճեմարանէն ներս, ստանալէ ետք երկու Պաքալորեաներ.- թէ՛ ''Լիբանանի Պետական Պաքալորէա''ն եւ թէ՛ ''Ֆրանսական Պաքալորէա''ն (Baccalauréat Français): Ֆրանսական Պաքալորեաս եղած է գիտական ուղղուածութեամբ եւ Թուաբանական թեքումով (Section: Scientifique, Specialité: Mathématiques), որն անցած եմ ''Շատ լաւ յիշատակութեամբ'' (Mention Trés Bien), ձեռք բերելով 16.92/20 ընդհանուր նիշը:

Նաեւ, նոյն տարին Համազգայինի Ճեմարանին մէջ ստացած եմ ''Աւարտական դասարանի մէջ հայրենագիտական լաւագոյն արդիւնք'' պարգեւը, Հայ Գրականութեան եւ Հայոց Պատմութեան մէջ ունեցած բարձր նիշերուս իբրեւ հետեւանք:

2010 Սեպտեմբերին մուտք գործած եմ Լիբանանեան Ամերիկեան Համալսարանը (Lebanese American University), արձանագրուելով Ճարտարապետութեան բաժնին մէջ: Աւելի ուշ ճիւղս փոխած եմ Հաղորդակցութեան Արուեստներու (Communication Arts), հետաքրքրուած ըլլալով media-ով, ինչպէս նաեւ թատրոնով եւ ֆիլմարուեստով: Արհետսավարժ մօտեցումով բեմադրելէ ետք հեղինակ Էօժէն Իօնեսքոյի The New Tenant թատերախաղը, եւ նկարահանելէ ետք քանի մը փորձարական կարճ ֆիլմեր, 2013 Յունիսին ստացած եմ Պսակաւոր Արուեստից (BA) վկայականս, արժանանալով բարձրագոյն գնահատականի (High Distinction) եւ ունենալով 3.86/4 GPA նիշ մը:

Համալսարանական տարիներուս մէջս հետզհետէ աճեցաւ Մարդաբանութեան (Anthropology) հանդէպ հետաքրքրութիւնը. Ի վերջոյ որոշեցի ուսումս շարունակել այդ ճիւղէն ներս: 2013ին արդէն ընդունուեցայ Օքսֆորդի Համալսարանի (University of Oxford) MPhil in Social Anthropology ծրագրին։ 2015ի Յունիսին աւարտեցի Mphilի ծրագիրը distinction-ով։ Որպէս MPhil dissertationի թեմա ընտրած էի ժամանակակից Պոլսահայութիւնը։ Այժմ ընդունուած եմ University of Oxfordի DPhil in Anthropology ծրագրին, որ կը սկսիմ 2015-2016 տարեշրջանին. DPhil-ի research-ս պիտի յատկացնեմ ամբողջ Թուրքիոյ հայութեան նիւթին, ներառեալ Իսլամացած հայերուն։


Այստեղ սովորում են
Ռազմիկ Վարագյան

Բիզնեսի կառավարում

Անի Հայկունի

Բիզնեսի կառավարում

Արամ Ասրյան

Իրավագիտություն և ֆինանսներ

Back to top