ՀՀ, Երևան 0010, Բյուզանդ 3 +37455005897

ՍՈՎՈՐԵԼ. ԳՈՐԾԵԼ. ՀԱՄԱՍՏԵՂԾԵԼ

Հայկական աշխարհ

Իրավագիտություն

Մագիստրատուրա

Հարութ Էկմանյան

Ծնած եմ Հալէպ, 1983 թուականին: Աւարտած եմ Քարէն Եփփէ Ազգային Ճեմարանը Սուրիական Գիտական Պաքալորիայի վկայականով՝ արժանանալով նաեւ պատւոյ նշանի, ինչպէս նաև հայերէն լեզուի գերազանցութեան վկայականի: Ապա ընդունուած եմ Հալէպի պետական համալսարանի իրաւաբանութեան բաժինը:

Իրաւաբանական ուսման եւ փորձին հետ զուգահեռ աշխատած եմ տեղական արաբական, հայկական եւ օտար լրատուամիջոցներու մէջ մինչեւ սուրիական տագնապի սկիզբը: 2014 թուականին, եղած եմ այցելու դասախօս Ուաշինկթըն նահանգի (ԱՄՆ) «Whitman College» Համալսարանի մէջ, իսկ 2015-ին, գիտաշխատող՝ Նիւ Եորքի «Columbia University» Համալսարանի մարդու իրաւունքներու ուսումնասիրութեան ինստիտուտին մէջ: Սոյն թուականին սկսած եմ համագործակցիլ «Freedom House» կեդրոնին հետ իբրև իրաւական հետազոտող: 2016-ին եղած եմ խորհրդատու ՄԱԿ-ի մէջ Հայաստանի մշտական ներկայացուցչութեան մօտ: Նոյն տարուայ գարնան միացած եմ «Human Rights Watch» մարդու իրաւունքներու միջազգային հեղինակաւոր կազմակերպութեան Նիւ Եորքի մէջ (Միջին Արեւելքի եւ Հիւսիսային Ափրիկէի բաժին):

Հայաստանի մէջ 2010-2015 թուականներուն աշխատած եմ Սիվիլիթաս Հիմնադրամի ՍիվիլՆեթ լրատուամիջոցին եւ Հայաստանի հետաքննող լրագրողներու «Հետք» պարբերականին: Այդ ոլորտին մէջ գործիս առանցքը կազմած է տարածաշրջանային համագործակցութիւնը, հակամարտութիւններու կարգաւորումը, մարդու իրաւունքները, գաղթականութեան եւ սփիւռքի խնդիրները:

2012 թուականին «Voice Of America» լրատուամիջոցին պատուէրով համահեղինակած լրագրողական ծրագիրս արժանացած է «Online News Association»-ի միջազգային «Հրատապ լրագրութեան մրցանակ»ին: Հրապարակուած գրութիւններ ունիմ «NY Daily News», «Tagesspiegel», «O Globo», «Near East Quarterly», «CNN», եւ այլ լրատուամիջոցներու մէջ: Հարցազրոյցներով հանդէս եկած եմ «New York Times», «Los Angeles Times», «Forbes», «International Business Times», եւ այլ թերթերու մէջ: Համահիմնադիրն եմ «TEDxAleppo», «PechaKucha Aleppo» եւ «CineVille» նախաձեռնութիւններուն: Հայերէնի եւ արաբերէնի կողքին սահուն կը տիրապետեմ անգլերէնի ու թուրքերէնի, ինչպէս նաեւ հաղորդական մակարդակի ֆրանսերէնի եւ սպաներէնի:

Ընդունուած եմ «Harvard Law School» Հարվարդ Համլսարանի Իրաւաբանական բաժնի 2017-2018 ուսումնական տարուայ Իրաւագիտութեան Մագիստրոսի ծրագրին:


Այստեղ սովորում են
Նարին Մանուկյան

Բարձրագույն կրթություն

Հիլարի Թոփազյան

Համաճարակաբանական գիտություն

Նաիրա Տեր-Կյուրեղյան

Իրավագիտություն

Back to top