ՀՀ, Երևան 0010, Մելիք–Ադամյան 2/2 +(374)60 70 77 00

ՍՈՎՈՐԵԼ. ԳՈՐԾԵԼ. ՀԱՄԱՍՏԵՂԾԵԼ

Հայկական աշխարհ

Բիզնեսի գործարար կառավարում

Մագիստրատուրա

Գրանտ Ակոբյան

Ներկայումս բնակվում եմ Նյու Յորք քաղաքում, որտեղ սովորում եմ Կոլումբիա համալսարանի բիզնես դպրոցում՝ բիզնեսի կառավարման մագիստրոսի կոչում ստանալու նպատակով:

ԱՄՆ տեղափոխվելուց առաջ ես զբաղեցրել եմ «Կոնվերս բանկի» գործադիր տնօրենի խորհրդականի պաշտոնը՝ հանդես գալով պարոն Էդուարդո Էռնեկյանի «Corporación América» ընկերության կառավարման խմբի անդամ: Իմ պարտականությունների մեջ մտնում էին բանկի հետևյալ ուղղությունները՝ վաճառք, մարքեթինգ և ռազմավարական զարգացում: Ես հանդիսացել եմ հայաստանյան մեկ այլ բանկի հետ միաձուլումով զբաղվող գործադիր թիմի անդամ, ինչպես նաև ներգրավված եմ եղել մի քանի լրացուցիչ նախագծերում, այդ թվում՝ ղեկավարել եմ «Կոնվերս բանկ/Հայփոստ» թիմը՝ պատրաստվելով «Փոստբանկի» մեկնարկին: Ինչպես նաև հանդիսացել եմ անշարժ գույքով զբաղվող «Advanced Global Assets» նորակազմ ընկերության գործադիր տնօրենը:

Ես տեղափոխվել եմ Հայաստան 2008 թվականին, գործադիր թիմի կազմում զբաղվել եմ գործառնություններով և գնումներով, ինչպես նաև «Փոստբանկ» նախագծով «Հայփոստ»-ում: Ես նշանակվել եմ այս կազմակերպության տնօրենների խորհրդի անդամ և մինչ օրս զբաղեցնում եմ այդ պաշտոնը:

Մինչ Հայաստան տեղափոխվելը «Corporación América» ընկերության Բուենոս Այրեսի գլխավոր գրասենյակում զբաղեցրել եմ տարբեր պաշտոններ՝ նախագծերի և կորպորատիվ ֆինանսավորման, M&A-ի (միաձուլում ու կլանում) և այլ բնագավառներում:

Ես ունեմ բակալավրի կոչում էկոնոմիկայի բնագավառում՝ Բուենոս Այրեսի համալսարանից: Մայրենի լեզուներս են իսպաներենը, ռուսերենը և հայերենը, ազատ տիրապետում եմ անգլերենին:

2013 թվականից հանդիսանում եմ շախմատի աշխարհի չեմպիոնի և աշխարհի լավագույն շախմատիստներից մեկի` Լևոն Արոնյանի պաշտոնական մենեջերը:


Այստեղ սովորում են
Կարեն Բերբերյան

Առաջնակարգ ճարտարապետական նախագծում

Էլինա Թունյան

Բիզնեսի գործարար կառավարում

Դարա Մերի Հուրդաջյան

Միջազգային էներգետիկայի կառավարում և քաղաքականություն

Back to top