"Միասնականությունն սկիզբն է...
Միասնական մնալը՝ առաջընթացը...
Միասնաբար աշխատելը՝ հաջողությունը...".

Ներդրում ինտելեկտուալ կապիտալի ﬔջ. սերը կարող է վարակիչ լինել և բազում օգուտներ բերել բոլոր ներգրավվածներին:

Այս «մեկը մեկին» փոխհարաբերություններում «Լույսի» ուսանողներն օրինակ են ծառայում կրտսերների համար, ովքեր խորհրդի ու աջակցության կարիք ունեն:

Երիտասարդները երբեմն բախվում են ոչ ﬕայն ուսում նական, այլև սոցիալական դժվարությունների: Տարիքով ավագները կարող են օգնել նրանց` լինելու հաստատակամ և տեսլական ունենալու, լրջորեն նվիրվելու աշխատանքին ու զարգացնելու հմտություններ, որոնք անհրաժեշտ են բարձր նպատակների հասնելու համար:

«Լույսի» ուսանողները պետք է ամառվա ընթացքում իրենց ընտրությամբ որևէ հետաքրքիր դասընթաց վարեն հայաստանացի երիտասարդների համար: Այս դասընթացները «Լույսի» «Զարգացնենք Հայաստանը» ծրագրի մաս կկազմեն: Սա հնարավորություն կտա նրանց միմյանց հետ կիսելու որևէ առարկայի հանդեպ սերը և դասավանդելու այն առավել արդյունավետ եղանակով: Բոլորը միասին հոգ կտանեն թե´ երիտասարդերի, թե´ մեծահասակների մասին:

Մենթորը և մենթին մի ծրագիր կառաջարկեն, որը պատրաստել են միասին և իրագործելու են ամռանը՝ «Զարգացնենք Հայաստանը» ծրագրի ընթացքում

Մենթոր և մենթի. դինաﬕկ համագործակցություն


Մարդիկ սովորում են այն ժամանակ, երբ ձգտում են իրագործել իրենց համար կարևոր ﬕ բան: Մենթորության ծրագիրը համապատասխանում է «Լույսի» «Զարգացնենք Հայաստանը» ծրագրի բովանդակությանը:

Այն հնարավորություն է տալիս յուրաքանչյուր ուսանողին ակադեﬕական գիտելիքից անցնելու իրականությանը:

«Լույսի» ծրագրերն սովորեցնում են ուսանողին պատկերացնել, թե ինչպես կարելի է սեփական մշակույթը կամուրջ դարձնել` իր անձը և շրջապատող աշխարհը հասկանալու համար:

Հավաստագիր

Ծրագրի բարեհաջող ավարտին "Լույսի" բոլոր ակտիվ մենթիները հատուկ վկայական կստանան, որը հավաստում է համայնքներում նրանց կատարած որակյալ աշխատանքը: