Ապրել և մեծացել եմ Երևանում: Ավարտելով Խաչիկ Դաշտենցի անվան համար 114 միջնակարգ դպրոցը` ընդունվեցի Ռուս-հայկական (Սլավոնական) համալսարանի միջազգային հարաբերությունների բաժինը: 2006 թվականին տեղափոխվեցի Միացյալ Նահանգներ` Կալիֆոռնիա. այդ քայլը շրջադարձային էր իմ կյանքում:

Ուսումս ընդհատելուց որոշ ժամանականց վերսկսեցի ուսումնառությունս Սան Ֆրանցիսկոյի Ծովածոցի տարածքում գտնվող Մարինի Քոլեջում`ուսումնասիրելով քաղաքական գիտություներ: Քոլեջում ուսանելու տարիներին եղել եմ ուսանողական խորհրդի անդամ և “Միացյալ ուսանողներ” կազմակերպության կառավարող խորհրդի անդամ: Ուսմանս զուգահեռ անդամագրվեցի նաև Ամերիկյան Կարմիր խաչին` որպես աղետների ժամանակ առաջին օգնություն ցուցաբերող թիմի անդամ:

2011 թվականին`ավարտելով Մարինի Քոլեջի Սոցիալական Գիտությունների բաժինը և համապատասխան կրթական աստիճան ստանալուց հետո, ընդունվեցի Կոլումբիայի համալսարանի քաղաքագիտության բաժնի բակալավրիատ:

Բարձր եմ գնահատում կրթության դերը անհատի կյանքում և վստահ եմ, որ կրթությունը առաջընթացի միակ կայուն գրավականն է:

"Կարծում եմ` այսօր ավելի, քան երբևէ, Հայաստանը կարիք ունի լավ և համակողմանի կրթություն ունեցող կադրերի, ովքեր ցանկություն ունեն երկիրը տանելու դեպի դեմոկրատիա, ազատություն, օրենք, երկիր, ուր հարգվում են մարդու իրավունքները:"