Ծնվել եմ 1985թ. Երևան քաղաքում : Սովորել եմ Ե. Չարենցի անվան միջնակարգ դպրոցում և 2002թ. ավարտել եմ այն գերազանցության ոսկե մեդալով: Նույն թվականին ընդունվել եմ Երևանի պետական համալսարանի ֆիզիկայի ֆակուլտետ:

2006թ. գերազանցության դիպլոմով ավարտել եմ ֆիզիկայի ֆակուլտետի բակալավրիատը և ընդունվել նույն ֆակուլտետի մագիստրատուրա` Լազերային ֆիզիկա ե մասնագիտացմամբ : Մագիստրոսական թեզի զգալի մասը կատարել եմ Ֆրանսիայի Էքոլ պոլիտեխնիկ բուհի ԼՈՒԼԻ լաբորատորիայի ԼՈՒՍԻԱ խմբում:

2008թ. մագիստրատուրան նույնպես գերազանցությամբ ավարտելուց հետո դիմել և ընդունվել եմ վերոհիշյալ ֆրանսիական համալսարանի ասպիրանտուրա և այժմ աշխատում եմ նույն ԼՈՒՍԻԱ խմբի հետ: