Ծնվել եմ Երևանում 1987 թվականին: Վաղ հասակում ընտանիքիս հետ տեղափոխվել եմ Իսպանիա, որտեղ ավարտել եմ ավագ դպրոցը: 2007 թվականից ապրում եմ Մեծ Բրիտանիայի Միացյալ Թագավորությունում, որտեղ էլ սկսել եմ իմ ակադեմիական կարիերան:

Կրթություն և պարգևներ

• 2010 թ. հոկտեմբեր
  Բացառիկ մրցանակ
  Շնորհվել է Լոնդոնի Իլինգ համայնքի կողմից` Հայկական տեղեկատվական և խորհրդատվության կենտրոնում կամավորական աշխատանք կատարելու համար:
  
• 2010 թ. սեպտեմբեր
  Պատվոգիր
  Շնորհվել է Լոնդոնի համալսարանական քոլեջի կողմից` Ձեռնարկությունների ճամբար հաճախելու համար:
  
• 2010 թ. հունիս
  Բիզնես իտալերենի վկայական (Լոնդոնի համալսարանական քոլեջ):
  
• 2009-ից մինչ օրս`
  Եվրոպական սոցիալական և քաղաքական հետազոտությունների և իտալերենի բաժնի բակալավրիատի ուսանող, Լոնդոնի համալսարանական քոլեջ:
• 2008-2009
  Մուտք դեպի բարձրագույն կրթություն` պատմություն, սոցիոլոգիա և անգլերեն, Բորնմութ և Փուլ քոլեջ, ավարտել եմ գերազանց գնահատականներով:
• 2008-2009
  Իսպաներեն (Ա մակարդակ), Բորնմութ եւ Փուլ քոլեջ, ավարտել եմ գերազանց գնահատականով:

2011 թ. հոկտեմբերին ընտրվել եմ Հայկական տեղեկատվական և խորհրդատվության կենտրոնի (Հայաշեն) հոգաբարձուների խորհրդի անդամ: 2010 թվականին հիմնել եմ UCL-ի Հայկական ուսանողական խորհուրդը, որն էլ ներկայումս նախագահում եմ:

Գերազանց տիրապետում եմ 5 լեզվի` հայերեն, ռուսերեն, իսպաներեն, անգլերեն և Իտալերեն:

Շատ հետաքրքրված եմ Հայաստանի Հանրապետության քաղաքականությամբ, հատկապես` արտաքին: Վստահ եմ, որ իմ բարձրագույն կրթությունը և լեզուների իմացությունը կզինեն ինձ այնպիսի գիտելիքներով ու հմտություններով, որոնք կօգնեն բարձրացնել Հայաստանի դերն ու դիրքը եվրոպական և միջազգային ատյաններում: