Հիմնադիրներն են ՀՀ նախագահ Սերժ Սարգսյանը եւ ՀՀ վարչապետ Տիգրան Սարգսյանը:

"Լույսը" մասնավոր հիմնադրամ է:

"Լույս" հիմնադրամը մասնավոր հաստատություն է, սակայն նրա հիմնադիրները երկրի այժմյան ղեկավարներն են: Այսինքն` հիմնադրամի աշխատանքը համահունչ է երկրի ղեկավարների` Հայաստանի ապագայի տեսլականին: Մասնավոր լինելու հանգամանքն ապահովում է նրա կայունությունը: Որքան շատ մարդ ֆինանսական օժանդակություն ցուցաբերի "Լույսին", այնքան շատ հիմնադրամը կպատկանի բոլոր հայերին:

"Լույսը" երկու առաքելություն է իրականացնում, որոնք զուգակցում են իրենց նպատակները`

• ավելացնել աշխարհի առաջատար համալսարաններում սովորող հայ ուսանողների թիվը: Դա նպատակ ունի ապահովելու Հայաստանի ակտիվ մասնակցությունը աշխարհի գլոբալ տնտեսությանը:
• Կոնկրետ ծրագրերի միջոցով հավաքել ուսանողների գիտելիքն ու հմտությունները` նոու-հաուն: Տե'ս "Զարգացնենք Հայաստանը" ծրագրերը հետեւյալ հասցեներում` http://luys.am/am/programs/developArmenia/ եւ http://developarmenia.blogspot.com/:

Ուսանողը պետք է համապատասխանի հետեւյալ երեք չափանիշներին`

• լինի Հայաստանի քաղաքացի կամ հայկական ծագում ունենա,
• ընդունվի "Լույսի" կայքում հրապարակված լավագույն 10 (տասը) համալսարաններից մեկը` ինքն իրեն ընտրելով որպես կրթաթոշակառու: Սա մրցույթ չէ:
• "Լույսի" հաստատած լավագույն 10 համալսարաններից մեկը (համաձայն "US News & World Report"-ի) ընդունվելու պահին պետք է 18-40 տարեկան լինի:

10 համալսարաններից բաղկացած ցանկը կազմվում է` համաձայն "US News & World Report"-ի ներկայացրած վարկանիշների` անկողմնակալ մոտեցում ապահովելու համար: "US News & World Report"-ն ամեն տարի հրապարակում է աշխարհի լավագույն 400 համալսարանների վարկանիշները:

Ոչ: Կարեւոր է հասկանալ, որ դա "Լույսի" ներքին կանոնակարգն է, եւ յուրաքանչյուրը պարտավոր է հարգել այն: Այս մեթոդն օգնում է լիարժեք պարզություն մտցնել եւ անկողմնակալ ու արդար մոտեցում ապահովել բոլորի հանդեպ:

Եթե ուսանողն արժանանում է "Լույսի" կրթաթոշակին, հիմնադրամը շարունակում է աջակցել նրան: Սա գործում է մինչեւ ուսանողի ակադեմիական ծրագրի ավարտը` անկախ այն փաստից` համալսարանը դեռեւս ընդգրկված է ցանկում է, թե արդեն ոչ: Եթե "Լույսն" սկսում է աջակցել ուսանողին, ապա դա անում է ծրագրի ամբողջ ընթացքում:

Ֆինանսական նկարագիրը կամ սոցիալական շերտի պատկանելությունն ընտրության չափանիշ չեն: Սրանք բոլորովին կապ չունեն համալսարանի` ուսանողին ընդունել-չընդունելու որոշման հետ: Այսպիսով, "Լույսի" ուսանողների մեջ կարելի է գտնել բոլոր սոցիալական շերտերի ներկայացուցիչներին:

Համալսարաններն ուսանողներին ընդունում են` հիմնվելով միայն նրանց գիտական ձեռքբերումների եւ արժանիքների վրա: "Լույսը" կրթաթոշակ է հատկացնում այն ժամանակ, երբ համալսարանն ընդունելության հրավեր է ուղարկում ուսանողին:

Երբ համալսարանն ընդունում է ուսանողին, այդ հաստատության ֆինանսական գրասենյակը հաշվարկում է վճարման ենթակա ուսման վարձը: Այս հաշվարկը կատարվում է` համաձայն ուսանողի եւ նրա ընտանիքի ֆինանսական կացության: "Լույսի" որոշումը կրթաթոշակի հատկացման վերջին փուլն է: Հիմնադրամը հաշվի է առնում համալսարանի փաստաթուղթը, նաեւ ցանկացած այլ կրթաթոշակ, որ ուսանողը կարող է ստանալ: "Լույսը" կրթաթոշակ է հատկացնում` համաձայն վճարման ենթակա մնացյալ գումարի:

"Լույսը" պահանջում է ապացույց ներկայացնել այն մասին, որ ուսանողը, համալսարան դիմելուն զուգահեռ, դիմել է նաեւ կրթաթոշակի: "Լույսին" դիմելիս համալսարանի ընդունելության մասին պաշտոնական փաստաթղթից բացի, պետք է ներկայացվինա եւ այս տեղեկատվությունը:

Կրթաթոշակ տրամադրելիս "Լույսը" հաշվարկում է ուսման վարձը, կեցության ծախսերը, ապահովագրությունը, գրքերը, նոութբուքը եւ ճանապարհածախսը: "Լույսը" հատկացնում է անհրաժեշտ ամբողջ գումարի 50 տոկոսից ոչ ավելին:

"Լույսի" Պատվո կոդեքսը Հայկական աշխարհում

• Հավատացեք ինքներդ ձեզ, ուրիշներին եւ միավորված Հայկական աշխարհին:
• Եղեք ազնիվ, հանդուրժող, հարգալից եւ հպարտ:
• Սիրեք եւ աջակցեք հայերին ամբողջ աշխարհում:
• Կապ պահպանեք եւ աշխատեք աշխարհասփյուռ հայության հետ:
• Ձգտեք լինել լավագույնը ձեր ոլորտում:
• Արեք լավագույնը աշխարհի համար:
• Շարունակեք հետազոտել, բացահայտել եւ պատկերացնել:
• Եղեք լայնախոհ եւ համարձակվեք օրիգինալ մտածել:
• Մենթոր ընտրեք եւ մենթոր դարձեք հայ երիտասարդների համար:
• Զարգացեք որպես հայ եւ զարգացրեք Հայաստանը:

"Լույսի" ուսանողի պարտավորությունները

• Միշտ կապի մեջ եղեք: Մասնակցեք Երևանում գտնվող "Լույս"-ի օն-լայն ժողովներին:
• Մասնակցեք և ներկայացրեք առաջարկներ "Լույս"-ի "Զարգացնենք Հայաստանը" ծրագրի համար:
• Կիսեք ձեր գիտելիքն ու ոգևորությունը: Հայաստանում գտնվելու ընթացքում սեմինար անցկացրեք:
• Մենթոր դարձեք հայաստանցի երիտասարդների համար:
• "Լույս"-ի ծրագրերին մասնակցելիս հայերեն սովորեք և ծանոթացեք Հայաստանի մշակույթին:
• Տրամադրեք ձեր գիտական հրապարակումները` "Լույս"-ի կողմից հրատարակելու համար
• Հյուրընկալեք "Լույս"-ի ուսանողներին, ովքեր կայցելեն ձեր համալսարան:
• Ներկայացրեք եռամսյակային հաշվետվություններ, դիտարկումներ ու առաջարկություններ:
• Միացեք կամ ստեղծեք հայ ուսանողների միություն կամ "Լույս"-ի ցանց այնտեղ, ուր սովորում եք:
• Որտեղ էլ լինեք, եղեք "Լույս"-ի դեսպանը եւ հայկական մշակույթի դեսպանը:

"Լույսի" կրթաթոշակառուները սկսում են աշխատել հիմնադրամի հետ կրթաթոշակի արժանանալու առաջին օրվանից իսկ: "Լույսը" պարբերական հաղորդակցություն եւ փոխանակում է իրականացնում եւ պարզում, թե ուսանողը կրթական ինչ նորություններ, փորձ եւ նոու-հաու է բերելու Հայաստան` իր հասակակիցների հետ կիսելու համար: Ամեն ամառ "Լույսը" Հայաստանի գյուղերում մեկամսյա սեմինարներ (workshop) է կազմակերպում, որտեղ հավաքվում են "Լույսի" կրթաթոշակառուները` միասին մտածելու եւ աշխատելու:

"Լույսն" աշխատում է ուղեղների շրջանառություն իրականացնելու ուղղությամբ: Դա նշանակում է, որ մենք խրախուսում ենք գիտելիքին ու նոու-հաուին տիրապետող յուրաքանչյուր անհատի` գալ Հայաստան եւ աջակցել այնպիսի նախագծերի արմատացմանը, որոնք դրական փոփոխությունների են հանգեցնում: "Լույսը" փնտրում է փորձագետների եւ հրավիրում նրանց` մտածելու Հայաստանում տարբեր մասնագիտությունների զարգացման շուրջ: Դա նպատակ ունի ապահովելու Հայաստանի ակտիվ մասնակցությունը համաշխարհային տնտեսությանն ու գլոբալ ուղիների նախանշման գործին:

"Լույսի" յուրաքանչյուր կրթաթոշակառու առաքելություն ունի ապահովելու աշխարհի առաջատար գիտելիքի և փորձառության հոսքը դեպի Հայաստան: Այդ ամենն իրականացվում է բոլոր այն ծրագրերի միջոցով, որոնք հենց իրենք են մշակում "Զարգացնենք Հայաստանը" ծրագրի շրջանակներում: Սրանով էլ բացատրվում է, թե ինչպես է "Լույսն" անընդհատ նոր ծրագրեր առաջարկում, որոնք մշտապես թարմացվում են:

"Լույսը" շրջանառության մեջ է դնում մի կարևոր գաղափար ու մշակույթ` "ինտելեկտուալ ֆիլանտրոպիա": Այն ենթադրում է ակտիվ մասնակցություն Հայկական աշխարհի կառուցման գործին: Ամեն մեկս էլ սովորելու և մյուսներին փոխանցելու որևէ բան ունենք: "Լույսին" միացող յուրաքանչյուր ուսանող իր ուժը ներդնում է լավագույն ապագայի կառուցման գործին:

Այս առումով` մենթորության ծրագիրը հենց այդ նպատակին է միտված: "Լույսի" ուսանողը` մենթորը, իր փորձն է փոխանցում հայաստանցի մեկ այլ ուսանողի` մենթիի, խորհուրդներ տալիս նրան, օգնում լավագույն արդյունքներ ապահովել գիտական և մասնագիտական ասպարեզներում: Մենթորության ծրագիրը փոխադարձաբար հարստացնելու և հարստանալու գործընթաց է, ուր բոլորը միասին կոնկրետ աշխատանք կատարելու առիթ ու հնարավորություն ունեն: Երբ տևական երկկողմ աշխատանքի արդյունքում մենթին դիմում և ընդունվում է աշխարհի լավագույն բուհերից մեկը, արդեն ինքն է դառնում մենթոր և ձեռք մեկնում իր խորհրդի ու ուղղորդության կարիքն ունեցող մեկ այլ հայ ուսանողի:

"Լույսի" յուրաքանչյուր ուսանող մենթի ունի: Նրանք միասին քննարկում ու մշակում են Հայաստանում իրականացվելիք ծրագրերն ու նախագծերը և դրանք կյանքի կոչելու ռազմավարությունը: "Լույսի" ուսանողը ներդնում է իր նոր գիտելիքն ու փորձը, իսկ իր մենթին օգնում է նրան այդ գիտելիքը ձևակերպել ու ներկայացնել այն իրական կյանքին և տեղի կարիքներին համապատասխան:

Այս մենթոր-մենթի խողովակի շնորհիվ "Լույսի" և Հայաստանի ուսանողներն ապահովում են աշխարհի լավագույն գիտական կենտրոնների և հայաստանյան բուհերի որակյալ գիտելիքի թարմացումը:

Մինչ օրս "Լույսը" մոտ 100 ուսանող ունի, և նրանցից յուրաքանչյուրն աշխատում է առնվազն մեկ հայաստանցի ավագ դպրոցականի կամ ուսանողի հետ: Սկսելով աշխատել միասին` մենթորն ու մենթին շարունակում են համագործակցել ամբողջ տարվա ընթացքում: Ժամանակակից տեխնոլոգիաները թույլ են տալիս անտեսել ֆիզիկական սահմանները և տարածությունը` իրենց ժամանակը, ջանքերն ու սերը ներդնելով Հայաստանի զարգացման գործին:

"Լույսի" ուսանողները սեպտեմբերից մինչ հունվար ընտելանում են իրենց նոր համալսարանի միջավայրին, հունվար-փետրվար ամիսներին մշակում են "Զարգացնենք Հայաստանը" ծրագրի ընթացքում իրականացվող նախագծերը, իսկ մարտին ընտրում են իրենց մենթիներին, ու հետ աշխատելու են ամբողջ տարի:

Մարտի սկզբին "Լույսի" ծրագրերի ղեկավար Գայանե Ղումաշյանը կոչ է անում բոլոր ուսանողներին մենթորական ծրագրի միջոցով միանալու Հայկական աշխարհին:

Որոշ ուսանողներ, ովքեր ամբողջական կրթաթոշակի են արժանացել, այն ստացել են կա'մ իրենց իսկ դիմած համալսարաններից, կա'մ այլ աղբյուրներից:
"Լույսը" ամբողջական կրթաթոշակ չի տրամադրում:
Այնուամենայնիվ, ամբողջական կրթաթոշակ ստացած շատ ուսանողներ ցանկություն են հայտնում միանալու "Լույսի" կրթաթոշակառուների ցանցին: Դա նրանց հնարավորություն է ընձեռում իրենց ընկերակիցների միջոցով հաղորդակից լինելու տարրաբնույթ գիտելիքների: Մասնակցում են "Զարգացնենք Հայաստանը" ծրագրին և ակադեմիական գիտելիքը իրական կյանքում կիրառելու մեծ փորձ են ձեռք բերում: Սա բացառիկ հնարավորություն է Հայաստանը բացահայտելու և բիզնեսի զարգացման նպատակով երկրի պոտենցիալը ճանաչելու համար: