ՀՀ, Երևան 0010, Մելիք–Ադամյան 2/2 +(374)60 70 77 00

ՍՈՎՈՐԵԼ. ԳՈՐԾԵԼ. ՀԱՄԱՍՏԵՂԾԵԼ

Ստարտ Արմենիա



«Լույսի» «Ստարտ Արմենիա» դրամաշնորհ. ձեռներեցության մրցույթ

«Լույսի» Ստարտ Արմենիա ձեռներեցության դրամաշնորհի մրցույթը Կրթաթոշակի ծրագրի բնականոն զարգացումն է և գործարար նոր մշակույթ է ձևավորում հայրենիքում ու զարգացնում սկսնակ ձեռնարկությունների էկոհամակարգը։

«Լույսի» բազմաթիվ կրթաթոշակառուներ և շրջանավարտներ արդեն իսկ սեփական ուժերով ֆինանսավորել են իրենց ստարտ-ափները՝ սկսնակ ընկերությունները՝ իրավաբանական բուտիկից մինչև կապիտալի կառավարման ծառայություններ։ Վստահ ենք, որ այդ նորարար ընկերությունների հզոր, կենսունակ ցանցը կապահովի Հայաստանի կայուն զարգացումը։

Հայաստանում ձեռներեցության էկոհամակարգի ձևավորումը խթանելու համար «Լույսը» նախաձեռնել է Ստարտ Արմենիա ձեռներեցության մրցույթը, որին կարող են մասնակցել Հիմնադրամի այն կրթաթոշակառուները և շրջանավարտները, ովքեր ծրագրում են շահույթ հետապնդող, սոցիալական պատասխանատվություն կրող ձեռնարկություն հիմնել Հայաստանում։

Հաղթող բիզնես նախագծերի պարգևատրությունը երեք կարգով է՝ 20.000, 10.000 և 5.000 ԱՄՆ դոլարի չափով։

Համապատասխանության չափորոշիչներ

  • Ստարտ-ափի կազմում պետք է ընդգրկված լինի «Լույսի» առնվազն մեկ կրթաթոշակառու կամ շրջանավարտ, ով լիովին կատարել է «Լույսի» հանդեպ իր պարտավորությունները:
  • Ստարտ-ափը պետք է հիմնված լինի Հայաստանում, սակայն խրախուսում ենք, որ այն գործի նաև միջազգային հարթակում։
  • Ստարտ-ափի թիմը պետք է առնվազն երեք անդամ ունենա, ևս երեք հոգուց բաղկացած խորհրդատվական մարմին (տվյալ ոլորտի փորձառու մասնագետներ, ովքեր պատրաստ են փոխանցելու փորձը և պարբերական խորհրդատվություն տրամադրելու)։
  • Ստարտ-ափը պետք է ուղղված լինի իր գործունեության ոլորտում դրական փոփոխությունների իրականացմանը, շոշափելի և չափելի արդյունքներ ցուցաբերի ու նոր արժեք և ուղղություններ ստեղծի Հայաստանի գործարար ոլորտում։

Պահանջվող փաստաթղթեր

  • Աջակցող նամակ խորհրդատվական մարմնի երեք անդամներից յուրաքանչյուրից, որում նշված կլինի, թե ինչու են նրանք պատրաստ ուղղորդել երիտասարդ ձեռներեցին։ Երեք կետով պետք է նաև նշվի, թե ինչու են նրանք հավատում տվյալ ձեռնարկին։
  • Բիզնես նախագիծ (ներառյալ բյուջեն, մարքեթինգային ռազմավարությունը և այլն: Կարող եք օգտվել հետևյալ հղումով ներկայացված բիզնես նախագծի օրինակից

Վերջնաժամկետ

«Լույսի» «Ստարտ Արմենիա» ձեռներեցության դրամաշնորհի մրցույթի հայտերն ընդունվում են 2017 թ․ ապրիլի 15-ից։
Դիմելու վերջնաժամկետն է 2017 թ․ հունիսի 15-ը՝ ժամը 23:59 (Երևանի ժամանակով)։

Հաճախակի տրվող հարցեր

Թիմում պետք է ընդգրկված լինի «Լույսի» առնվազն մեկ կրթաթոշակառու, ով բարեխղճորեն կատարել է հիմնադրամի հանդեպ ստանձնած բոլոր պարտավորությունները:

Հայտադիմումներն ուսումնասիրում և գնահատում է ձեռներեցության ոլորտի առնվազն 3-5 ներկայացուցչից բաղկացած անկախ ժյուրին:

Այո՛, ստարտ-ափը պետք է հիմնված լինի Հայաստանում, սակայն այն կարող է գործել նաև միջազգային հարթակում:

Սա տվյալ ստարտ-ափի ոլորտը ներկայացնող բարձրակարգ մասնագետների խորհուրդ է, որը պատրաստ է խորհրդատվություն տրամադրելու և աջակցելու նոր ձեռնարկության սկսնակ թիմին:

Խորհրդատուները պետք է ընտրվեն` ըստ ունեցած փորձի և տվյալ սկսնակ ձեռնարկության գործունեության ոլորտին համապատասխան: Խորհրդատուները պետք է պատրաստ լինեն կանոնավոր կերպով Ձեզ ժամանակ տրամադրելու և փորձի փոխանակում իրականացնելու:

Աջակցող նամակը խորհրդատուներից մեկի կողմից գրված նամակն է, որում վերջինս պատրաստակամություն է հայտնում իր ժամանակը և փորձը ներդնելու սկսնակ ձեռնարկության կայացման գործում: Նամակում խորհրդատուն պետք է նշի` որքան ժամանակ կարող է տրամադրել և երբ հասանելի կլինի: Խորհրդատուն պետք է նաև 3 կետով ներկայացնի, թե ինչու է պատրաստ աջակցելու տվյալ ձեռնարկությանը:

Բիզնես նախագիծը պետք է ընդգրկի առաքելության սահմանումը, իրագործման փուլերը, նկարագիրը, ապրանքներն ու ծառայությունները, գործառնական, մարքեթինգային և ֆինանսական ծրագրերը (ներառյալ բյուջեն), ինչպես նաև ակնկալվող արդյունքները (կարող եք օգտվել հետևյալ հղումով ներկայացված բիզնես նախագծի օրինակից): Խնդրում ենք հիշել, որ սա ընդամենն օրինակ է և կարող է վերանայվել կամ ձևափոխվել` ըստ կոնկրետ ստարտ-ափի առանձնահատկության:

Դիմել

Դիմել
Back to top