"Լույս"-ի երիտասարդ փորձագետների ֆակուլտետ

Անգլերենի դասընթացների շարք (առաջին դասաշար)

Աննա Բարսեղյան
Գարուն 2010

Անգլերենի դասընթացների շարքը մեկնարկեց սույն թվականի ապրիլի 27-ին եւ ավարտվեց հունիսին:

Աննա Բարսեղյանի կարծիքով` տասը սեմինարից բաղկացած դասընթացն իրագործել է նախանշված նպատակները. ուսանողները նկատելի առաջընթաց ունեն եւ անգլերեն խոսելիս իրենց ավելի վստահ ու պատրաստված են զգում:

Ուսանողները հնարավորություն ունեին ծանոթանալու աշխարհի բարձրակարգ համալսարաններ դիմելու եւ հաջողության հասնելու ուղիներին: Նրանք պահանջվող էսսեների բազմազան տեխնիկաներ, իրենք էլ էսսեներ գրեցին, քննարկեցին դրանք եւ համեմատեցին առավել հաջող օրինակների հետ:

Տարբեր թեմաների շուրջ անգլերեն զրույցները, քննարկումները, անգլախոս հանրաճանաչ մասնագետների տեսաելույթները և դրանց համապատասխան բառապաշարի յուրացումը կատարելագործեցին ուսանողների անգլերենի իմացությունը` մտքերն անգլերեն արտահայտելու վստահություն ներշնչելով:

Ներգրավված մասնակիցները Երեւանի տարբեր համալսարաններից էին, նրանց մի մասն արդեն համատեղում է աշխատանքը և ուսումը, մի քանիսն էլ պատրաստվում են TOEFL/IELTS քննություն հանձնել` աշխարհի լավագույն համալսարաններ ընդունվելու համար:

"Նոր բաներ սովորելուն զուգահեռ, ես բազմաթիվ հետաքրքիր մարդկանց հանդիպեցի, տարբեր թեմաների շուրջ մտքեր ու տեսակետեր կիսեցի նրանց հետ", - ասաց ուսանող Դավիթ Ղազարյանը:

Մասնակից Մարիամ Դիլբանդյանը վստահեցրեց, որ տասը սեմինարների ընթացքում բավականին հարստացել է անգլերենի իր բառապաշարը. "Յուրացրել եմ հաղորդակցվելու հմտությունները: Հիմա հասկանում եմ, ինչպես առավել հիմնավոր եւ հետաքրքիր լինեմ` ինձ վերաբերող եզակի մանրամասները ներկայացնելու ընթացքում":

Դասընթացի մասնակիցները բավականին բարձր են գնահատում դասը վարելու Աննայի կարողությունը, ոչ ֆորմալ մոտեցումը, ուսանողների համար հատուկ պատրաստած հետաքրքիր ու բովանդակալից նյութերը:

Անգլերենի դասընթացի երկրորդ շարքը կմեկնարկի սույն թվականի սեպտեմբերին:


Աննա Բարսեղյանի անցկացրած անգլերենի դասընթացների շարքի լուսանկարները