Տիգրան Սարգսյան
Կրթական խորհուրդ

ՀՀ վարչապետ

Վարչապետ Տիգրան Սարգսյանն ստանձնել է այս պաշտոնը 2008 թվականի ապրիլի 9-ին:

Նա Երեւանի ժողովրդական տնտեսության ինստիտուտի պլանավորման եւ տնտեսության ֆակուլտետի շրջանավարտ է: Բարձրագույն կրթությունը շարունակել է Լենինգրադի Ն. Ա. Վոզնեսենսկու անվան ֆինանսատնտեսական ինստիտուտում եւ գերազանցությամբ ավարտել այն: Տնտեսագիտության թեկնածու է: Հետազոտել է "Տարածաշրջանային սոցիալ-տնտեսական զարգացման պլանավորումը Հայաստանի օրինակով" թեման:

Վարչապետ Սարգսյանի հետաքրքրություններն ընդգրկում են նաեւ իրավունքի ոլորտը` ուղղորդելով նրան ԱՄՆ մայրաքաղաքի Իրավունքի միջազգային ինստիտուտ: Հետագայում Վաշինգտոնում գտնվող Համաշխարհային բանկի տնտեսական զարգացման ինստիտուտում պարոն Սարգսյանը մասնագիտացավ "Բանկերի արդյունավետ կառավարման" բնագավառում:

Նա Երեւանի պետական տնտեսագիտական համալսարանի Պատվավոր դոկտոր է, բազմաթիվ գիտական հոդվածների հեղինակ:

Մինչ վարչապետի պաշտոնը ստանձնելը, Տիգրան Սարգսյանը ՀՀ կենտրոնական բանկի նախագահն էր: Ճանաչվել է Հայաստանի բանկային համակարգի ամրացման եւ կայունացման գործում նշանակալի ներդրման համար:

2004 թվականին պարգեւատրվել է "Անանիա Շիրակացի" մեդալով, որ տրվում է տնտեսության, ճարտարագիտության, գիտության ու տեխնիկայի բնագավառներում ակնառու գործունեության համար:

Վարչապետը հայոց բանակի պահեստի սպայի զինվորական կոչում ունի:

Ամուսնացած է, ունի մեկ դուստր եւ երկու որդի:

Վիգեն Սարգսյան
Կրթական խորհուրդ

ՀՀ նախագահի աշխատակազմի ղեկավար

2009 թ-ից Վիգեն Սարգսյանը Հայաստանի Հանրապետության նախագահի աշխատակազմի ղեկավարն է: Նախքան ներկայիս պաշտոնը ստանձնելը` նախորդ ինը տարիների ընթացքում նա սկզբում նշանակվել է ՀՀ պաշտպանության նախարարի եւ Ազգային անվտանգության խորհրդի քարտուղարի օգնականի պաշտոնում, հետագայում աշխատել որպես ՀՀ նախագահի օգնական:

1995 -1998 թթ. ՀՀ ազգային ժողովի խոսնակի արտաքին քաղաքականության հարցերով խորհրդականն էր: Պարոն Սարգսյանը Մասաչուսեթսի Թաֆտի համալսարանի (ԱՄՆ) շրջանավարտ է: Նա հանրահայտ Ֆլետչերի դպրոցի Իրավագիտության եւ դիվանագիտության մագիստրոսի կոչում է ստացել` մասնագիտանալով միջազգային իրավունքի եւ միջազգային կազմակերպությունների ոլորտում: Նրա հետազոտությունը "Լեռնային Ղարաբաղը երեկ, այսօր եւ վաղը: Օրինական հիմք" թեմայով էր:

Վիգեն Սարգսյանը նաեւ Երեւանի պետական համալսարանի միջազգային հարաբերությունների մագիստրոս է: Ուսումնասիրության ոլորտներն ընդգրկում են Դիվանագիտության պատմությունը եւ Միջազգային հարաբերությունները: Ավարտական աշխատանքի թեման էր "Միջխորհրդարանական կազմակերպությունների տեղը եւ դերը ներկայիս միջազգային հարաբերություններում": Հայաստանում կատարվող հետազոտություններին զուգահեռ Վիգեն Սարգսյանը Սանկտ Պետերբուրգի (Ռուսաստան) Քաղաքացիական ծառայության հյուսիսարեւմտյան ակադեմիայի հեռակա բաժնի ուսանող էր: Դիպլոմային աշխատանքն ուսումնասիրում էր "Քաղծառայողների ընտրության եւ ուսուցման սոցիալական եւ հոգեբանական կողմերը":

Վիգեն Սարգսյանը մի շարք հեղինակավոր մրցանակների դափնեկիր է: Վերջինների շարքում պետք է նշել Ֆրանսիայի Հանրապետության Ordre National du Merit-ը (շնորհվել է 2008 թ-ին նախագահ Սարկոզիի կողմից) եւ "Մովսես Խորենացի" մեդալը (Պետական պարգեւ) Հայաստանի պետականության կայացման եւ զարգացման գործում երկարատեւ ներդրման համար (շնորհվել է 2007 թ-ին ՀՀ նախագահի որոշմամբ):

Վիգեն Սարգսյանը մի շարք հրապարակումների հեղինակ է եւ "Քաղաքացիական ծառայություն" եռամսյա հանդեսի խմբագրական խորհրդի անդամ:

Նրա կարեւորագույն հրապարակումներից են 2003 թ-ին հրապարակված "Մարդու իրավունքների պահպանության ազգային եւ միջազգային մեխանիզմները" հոդվածը, որի համահեղինակները Reuter-ը and Khufner-ն են, եւ Ռոն Ասմութի "Բացելով ՆԱՏՕ-ի դռները" գրքի հայերեն հրատարակությունը (2008 թ.):

Վիգեն Սարգսյանը նաեւ Հայաստանի ամերիկյան համալսարանի եւ Հանրային կառավարման ակադեմիայի դասախոսի օգնական է, որտեղ դասավանդում է 2001 թվականից:

Ամուսնացած է եւ մեկ զավակի հայր:

Վաչե Գաբրիելյան
Կրթական խորհուրդ

ՀՀ ֆինանսների նախարար

Հայաստանի Կենտրոնական բանկի փոխնախագահի պաշտոնից բացի, դոկտոր Վաչե Գաբրիելյանը Կենտրոնական բանկի խորհրդի անդամ է: Մինչ այդ լինելով խարհրդի նախագահի խորհրդականն էր:

1990 թ-ին գերազանցությամբ ավարտել է Երեւանի պետական համալսարանի տնտեսագիտության եւ կիբեռնետիկայի բաժինները` արժանանալով Լենինի կրթաթոշակի: 1992 թ-ին նրան շնորհվել է Էդ. Մասկիի կրթաթոշակ Հանրային կառավարման մագիստրատուրայի աստիճանի համար:

Վաչե Գաբրիելյանը Նյու Յորքի Ռատգերս համալսարանի հանրային կառավարման դոկտոր է, որտեղ էլ նրան շնորհվել է Phi Alpha բացառիկ մրցանակը: Ավելի ուշ միացել է նույն համալսարանի Հանրային կառավարման ֆակուլտետին: 1994- 1998 թթ. նա զուգահեռ եղել է դասախոսի օգնական եւ զբաղեցրել այդ համալսարանի հանրային արդյունավետության ազգային կենտրոնի փոխնախագահի պաշտոնը:

Վաչե Գաբրիելյանը Վաշինգտոնի Համաշխարհային բանկում աշխատանքային մեծ փորձ ունի, ուր մասնագիտացել է "Կենտրոնական բանկ եւ պետական ռեզերվների կառավարման", ինչպես նաեւ "Տարադրամի շուկայի կարգավորման ու լայնածավալ ֆինանսական ծրագրավորման եւ քաղաքականության" գործում:

ԱՄՆ-ում աշխատանքային փորձ ձեռքբերելուց առաջ դոկտոր Գաբրիելյանն աշխատել է Մեծ Բրիտանիայում եւ Շվեյցարիայում: Լոնդոնում աշխատել է Անգլիայի բանկի "Կորպորատիվ կառավարման" բաժնում: Շվեյցարիայում հետազոտություններ է անցկացրել "Կենտրոնական բանկի ռազմավարության, վստահելիության եւ անկախության" թեմայով:

Վաչե Գաբրիելյանը Երեւանի պետական համալսարանի տնտեսագիտության ֆակուլտետի եւ Հայաստանի ամերիկյան համալսարանի քաղաքագիտության եւ միջազգային հարաբերությունների ֆակուլտետի դասախոս է: Հայաստանի հանրային հեռուստատեսության տնտեսական եւ ֆինանսական հարցերի փորձագետն էր եւ մեկնաբանը:

Ամուսնացած է, ունի երկու զավակ:

Անահիտ Բախշյան
Կրթական խորհուրդ

ԱԺ պատգամավոր

Անահիտ Բախշյանը ՀՀ Ազգային ժողովի գիտության, կրթության, մշակույթի, երիտասարդության եւ սպորտի հարցերով մշտական հանձնաժողովի անդամ է: Նախկինում նախագահել է "Ժառանգություն" կուսակցության վարչությունը, այժմ այդ վարչության անդամ է:

Անահիտ Բախշյանը սրտացավորեն է մոտենում կրթությանն առնչվող ցանկացած հարցի եւ շուրջ 40 տարի ակտիվ հասարակական գործունեություն է իրականացնում այդ ոլորտում: Նա Երևանի Դ. Դեմիրճյանի անվան թիվ 27 դպրոցի տնօրենն էր եւ տարիներ շարունակ ֆիզիկա է դասավանդել Երեւանի տարբեր դպրոցներում: Անահիտ Բախշյանը ճանաչվել է կրթության քաղաքականության եւ դասընթացների զարգացման ու նորարարական մոտեցման գործում առաջատար լինելու համար: Հեղինակել է կրթությանը վերաբերող մի շարք հոդվածներ:

Անահիտ Բախշյանը ՀՀ ազգային ժողովի զոհված պատգամավոր, դոկտոր Յուրի Բախշյանի այրին է: Նա երեք դուստրերի մայր է` Լուսինե, Լիլիթ եւ Գայանե, եւ Արփիի, Նարեի, Աննայի, Կարմենի, Հովիկի և Ռոբերտի տատիկը:

Տեր Մեսրոպ քհն. Արամյան
Կրթական խորհուրդ

"Այբ" կրթական հիմնադրամի հոգաբարձուների խորհրդի նախագահ

Տեր Մեսրոպ քահանա Արամյանը Հայ Առաքելական Սուրբ Եկեղեցու քահանա է, աստվածաբան, գիտնական եւ թարգմանիչ: Նա հիմնադիրն ու տնօրենն է «Գանձասար» աստվածաբանական կենտրոնի, որը Հայաստանի առաջատար հետազոտական-հրատարակչական կենտրոններից է եւ իրականացնում է հոգեւոր, մշակութային, պատմական ու կրթական գործունեություն:

Տեր Մեսրոպը նաեւ հիմնադիրն ու տնօրենն է Երեւանում գործող «Վէմ» FM ռադիոկայանի, որը հեռարձակում է հոգեւոր, մշակութային, կրթական հաղորդաշարեր եւ դասական երաժշտություն: Տեր Մեսրոպի ջանքերով հիմնադրվել է «Վէմ մեդիա արուեստներ» տեսաարտադրական ստուդիան, որը թողարկել է հեռուստատեսային հաղորդաշարեր եւ փաստագրական ֆիլմեր, որոնք հիմնականում նվիրված են բնապահպանական խնդիրներին:

Մի խումբ ընկերների հետ համատեղ` տ. Մեսրոպ քհն. Արամյանը հիմնել է «Այբ» կրթական հիմնադրամը, որն այսօր Հայաստանի կրթական ոլորտի գլխավոր դերակատարներից է:

Տեր Մեսրոպը հեղինակել է մի քանի գրքեր, բազմաթիվ հոդվածներ, հեռուստատեսային եւ ռադիո հաղորդումներ, կրթական ծրագրեր ու նախագծեր:

Ամուսնացած է, 2 որդու եւ 4 դուստրերի հայր:

Ժաքլին Կարաասլանյան
Կրթական խորհուրդ

"Լույս" հիմնադրամի կրթական ծրագրի տնօրեն

Ժաքլին Կարաասլանյանը ծնվել է Հայաստանում, կրթության ստացել Ֆրանսիայում եւ ապրել Միացյալ Նահանգներում:

Նա Հայաստանում գործող "Լույս" հիմնադրամի կրթական ծրագրերի տնօրենն է:

Նա համընդհանուր նախագծերի, ռազմավարության մշակման և աշխարհով մեկ մեծածավալ կրթական ծրագրերի ղեկավարման ու կառավարման լուրջ փորձ ունի: Հենց սկզբից աշխատել է Մասաչուսեթսի տեխնոլոգիայի ինստիտուտի Media Lab-ի հիմնադիր անդամների հետ` 25 տարի շարունակ լինելով "Future of Learning Group"-ի և "Media Fabrics Group"-ի հատուկ նախագծերի տնօրենը:

Ժաքլին Կարաասլանյանը առանցքային մասնակցություն է ունեցել ՄՏԻ-ի հետազոտողների թիմերի հետ նախագծերի մշակման, ավանգարդ տեխնոլոգիաների հարուստ ուսուցողական միջավայրի նախագծման և դրա լիարժեք իրականացման գործին:

Նա դոկտոր կոմպոզիտոր եւ ՄՏԻ-ի հետազոտող Գրեգորի Գարգարյանի այրին է եւ Աննա ու Մարկ Գարգարյանների մայրը: