Ծնվել և մեծացել եմ Երևանում: Ավարտելով միջնակարգ դպրոցը` 2003 թ. ընդուվել եմ Երևանի Մ. Հերացու անվան պետական բժշկական համալսարանի (ԵՊԲՀ) դեղագիտական ֆակուլտետ:

Գերազանց առաջադիմությամբ ավարտելով այդ ֆակուլտետը` 2008 թ. սովորել եմ նույն բուհի օրդինատուրայում: Մեկ տարի անց` 2009 թ., գերազանցությամբ ավարտելով օրդինատուրան` աշխատանքի անցա ԵՊԲՀ-ում` որպես ավագ լաբորանտ:

Դեղագործական գիտությունների բնագավառում հետագա մասնագիտական հմտությունների կատարելագործման համար 2011 թ. ընդունվեցի Շվեյցարիայի տեխնոլոգիայի ֆեդերալ ինսիտուտ (ETH Zurich), զուգահեռ հրավերներ ստացա նաև Կոպենհագենի համալսարանից և Լոնդոնի համալսարանական քոլեջից (UCL): Վերջնական ընտրությունս կանգ առավ ETH Zurich- ի վրա: