ՀՀ, Երևան 0010, Մելիք–Ադամյան 2/2 +(374)60 70 77 00

ՍՈՎՈՐԵԼ. ԳՈՐԾԵԼ. ՀԱՄԱՍՏԵՂԾԵԼ

Ոգեշնչենք

Հայաստանի շախմատի ֆեդերացիան ՀԸԲՄ վիրտուալ քոլեջի հետ համատեղ մշակել է շախմատի նոր դասընթաց


Հոկտեմբեր 17, 2013 Շախմատ, ՀԲԸՄ

«Լույս» հիմնադրամի գործընկեր կազմակերպություններից մեկը` Հայաստանի շախմատի ֆեդերացիան, ՀԲԸՄ հայկական վիրտուալ քոլեջի հետ համատեղ շախմատային նոր դասընթաց է մշակել, որը հասանելի է առցանց եւ բոլորովին անվճար է: Աշնանային կիսամյակի դասընթացը մեկնարկել է հոկտեմբերի 7-ին եւ կտեւի մինչեւ դեկտեմբերի 10-ը:

Այն հասանելի է շախմատային գիտելիքի նախնական, միջին եւ բարձր մակարդակ ունեցող տարբեր տարիքի անձանց: Դասընթացը մշակվել է շախմատի` աշխարհի ամենաճանաչված վարպետներից մի քանիսի կողմից:

«Գործի է դրվել Հայկական վիրտուալ քոլեջի` մուլտիմեդիայի ոլորտում առցանց փորձառությունը` դասերը վիրտուալ առումով ավելի գրավիչ դարձնելու, մասնակիցների ուշադրությունը սեւեռելու եւ ուսումնական գործընթացն ավելի զվարճալի ու հաճելի դարձնելու համար»,- ասում է Հայկական վիրտուալ քոլեջի հիմնադիր եւ ՀԲԸՄ կենտրոնական խորհրդի անդամ դոկտոր Երվանդ Զորյանը:

Դասընթացի նպատակներից մեկն է խթանել շախմատային մշակույթը ողջ Հայկական աշխարհում, քանի որ գրանցվել կարող է Հայաստանից եւ Սփյուռքից յուրաքանչյուր ոք: Ըստ Կրթության նախարարության սահմանած կարգի` 2011 թվականից շախմատը, որպես պարտադիր ուսումնական դասընթաց, ներառված է դպրոցական առարկայացանկում, ինչը միտված է զարգացնելու հայ երիտասարդների ռազմավարական եւ ճանաչողական կարողությունները:

Դիմորդները կարող են գրանցվել Հայկական վիրտուալ քոլեջի շախմատի դասընթացին` այցելելով վիրտուալ քոլեջի կայք` www.avc-agbu.org, եւ լրացնելով հայտադիմումը:


Back to top