Ծնվել եմ Ֆրանսիայում` Փարիզում, Լոս Անջելես եմ տեղափոխվել 16 տարեկան հասակում: Հաճախել եմ Չամլյան հայկական դպրոց, այնուհետև Կալիֆոռնիայի Քլարք Մագնետի տեխնոլոգիահեն միջնակարգ դպրոց:

Գերազանցությամբ ուսանել եմ Լոս Անջելեսի Կալիֆոռնիայի համալսարանում (UCLA)` ստանալով Քաղաքագիտության, միջազգային հարաբերություններ և հանրային կառավարման բակալավրի աստիճան: Վերջերս ավարտել եմ Լոնդոնի տնտեսագիտության և քաղաքագիտության դպրոցի քաղաքականության և հաղորդակցության բաժնի մագիստրատուրան: Այժմ Լոնդոնի համալսարանական քոլոջի Ժողովրդավարության և դեմակրատիզացման բաժնի մագիստրատուրայի ուսանող եմ:

Տարիներ շարունակ ներգրավված եմ եղել քաղաքական և հասարակական տարբեր շարժումներում: Որպես ուսանող` հիմնել եմ հայկական ակումբ: Ակտիվ մասնակցություն եմ ունեցել Ամերիկայի հայկական ֆեդերացիայի և հայկական ազգային կոմիտեի աշխատանքներին` կենտրոնանալով Հայոց ցեղասպանության ճանաչման և Հարավային Կալիֆոռնիայի հայկական համայնքի հետ կապված այլ հարցերի վրա: Քոլեջում “ Ուսանողները հանուն ժողովրդավարական հասարակության” ազգային ուսանողական կազմակերպության հիմնադիր անդամ էի: Քոլեջից հետո որպես կազմակերպիչ աշխատել եմ Ֆլորիդայում Օբամայի նախընտրական արշավին:

2010 թվականին մասնակցել եմ “Դեպի Հայք” հիմնադրամի հայկական ծրագրին, որի շրջանակներում կամավորական աշխատանք եմ կատարել “Սիվիլիթաս” հիմնադրամում և Ժողովրդավարության ու Մարդու իրավունքների ինստիտուտում: