English
ՀայերենԴիմելու կարգը
Դիմումներն ընդունվում են 2012թ. ապրիլի 1-ից: Ուսանողները կտեղեկացվեն մինչև օգոստոսի կեսերը՝ 2012-ի սեպտեմբերի ընդունելության շրջանի համար: Դիմորդը պետք է ընդունված լինի առաջնակարգ որեւէ համալսարան, որը միջազգայնորեն ճանաչված է իր բարձր չափանիշներով:
"Լույս" հիմնադրամը կազմել է այդպիսի կրթական հաստատությունների իր ցանկը: Ընտրվելուց հետո "Լույս"-ի հավակնորդ ուսանողը պետք է փաստի, որ ինքը ֆինանսական օժանդակության խնդրանքով արդեն դիմել է իր ընդունված համալսարան, որից հետո "Լույս" հիմնադրամին տրամադրի տեղեկություն` տվյալ համալսարանի կողմից իրեն հասանելիք ֆինանսավորման չափի մասին:
Հաստատված համալսարանների ցանկը
Շարունակական մենթորության ծրագիր` "Լույս"-ի ուսանողների եւ աշխարհի հայ գիտնականների համագործակցություն
Ծրագիրը կողք-կողքի է հավաքում տեսական ու գործնական ոլորտների ներկայացուցիչների, որոնք հանձն են առնում ամեն ամառ հանդիպել՝ որեւէ կոնկրետ թեմա քննարկելու, ներկայացնելու դրա վերաբերյալ ամենաթարմ տեղեկատվությունը, որպեսզի ստեղծվի մի նոր համադրություն, ինչի մասին կարելի է տեղեկացնել միջազգային հանրությանը: Այս քննարկումներին մասնակցում են մարդիկ, ովքեր ստեղծագործում են, լայն ճանաչում ունեն աշխարհում եւ իրենց ասպարեզներում՝ նշանակալի գաղափարների եւ ներդրման համար: Ուսումնական տարվա մնացած ժամանակահատվածում նրանք օն-լայն ռեժիմով կշարունակեն համատեղ աշխատել ու մտածել:
Այս "մեկը մեկին" փոխհարաբերություններում
"Լույսի" ուսանողներն օրինակ են ծառայում
կրտսերների համար, ովքեր խորհրդի ու աջակցության
կարիք ունեն:
Երիտասարդները երբեմն բախվում են ոչ միայն
ուսումնական, այլև սոցիալական դժվարությունների:
Տարիքով ավագները կարող են օգնել նրանց`
լինելու հաստատակամ և տեսլական ունենալու,
լրջորեն նվիրվելու աշխատանքին ու զարգացնելու
հմտություններ, որոնք անհրաժեշտ են բարձր
նպատակների հասնելու համար:
